Sämmilij päikkikuávlu luánduriggodâhvuávám 2022-2027

Luánduriggodâhvuávám stivree Meccihaldâttâs tooimâid sämmilij päikkikuávlust iivij 2022–2027.

Luánduriggodâhvuávám lii staatâ omâstem eennâm- já čäcikuávlui kuhes äigikooskâ kilelis kevttim vuávám. Taan luánduriggodâhvuávám kuávdášlâš iäru Meccihaldâttâs eres luánduriggodâhvuávámij iähtun lii tot, ete tast luánduriggoduvâi tipšom, kevttim já suojâlem heiviittuvvoo oohtân omâsteijee asâttem mittomerijguin já páihálâš mittomerijguin nuuvt, ete sämmilij kulttuur hárjuttem hináh torvejuvvojeh siämmást. Sämmilij päikkikuávlu luánduriggodâhvuávám rahtui čapo ohtsâšpargoost Meccihaldâttâs äššigâsâin, kuoimijn já čonâsjuávhuin čuákkejum ohtsâšpargojuávhoin, sämitiggijn sehe nuorttâlij sijdâčuákkimáin. Vuávámân uásálistii meiddei puásuituálu, vyevdituálu, mađhâšem, kieldâi, pivdem, luándusuojâlem já kulttuuräärbi sierâ pargojuávhuh. Jyehi aalmugjesânist lâi máhđulâšvuotâ peessâđ vaiguttiđ vuávámân puohháid ávus viermikoijâdâllâm peht. Meiddei nuorah uásálistii luánduriggodâhvuávámân: vuávámkuávlust ässee káávcádluokkaliih uásálistii pargopááján, mon lasseen säminuoráid uárnejui kuullâmtilálâšvuotâ ohtsâšpargoost sämitige nuorâiraađijn.

Luánduriggodâhvuávám olášum čuávvoo ihásávt. Uđđâ luánduriggodâhvuávám ráhtoo ive 2027.