Diehtodorvočilgehus Julkaisut.metsa.fi-siidduin

Meahciráđđehusa Julkaisut.metsa.fi-siiddut leat buohkaide rabas siiddut, main buktojit ovdan Meahciráđđehusa almmustahttimat.

Dieđuid čoaggin

Julkaisut.metsa.fi-siidduin galledeaddjis čoggojuvvojit dieđut máhcahatskoviin ja almmustahttimiid diŋgonskoviin.

Máhcahatskoviin galledeaddji sáhttá háliidettiin guođđit oktavuođadieđuidis, jus háliida vástádusa máhcahahkii, man lea guođđán. Máhcahatskoviin sáhttá addit čuovvovaš persondieđuid: šleađgapoastačujuhus.

Diŋgonskoviin geavaheaddji sáhttá guođđit oktavuođadieđuidis, jus son háliida diŋgon almmustahttima dahje jearrá lassedieđuid almmustahttimiin. Diŋgonskoviin sáhttá addit čuovvovaš persondieđuid: namma, gáhttačujuhus, poastanummir, poastadoaibmabáiki, šleađgapoastačujuhus ja telefonnummir.

Dieđuid gieđahallan ja luobaheapmi

Máhcahatskoviin čoggojuvvon dieđut sirdašuvvet Meahciráđđehusa biras- ja kvalitehtavuogádaga máhcahatvuđđui. Persondieđut eai luobahuvvo Meahciráđđehusa olggobeallái ja daid gieđahallet dušše ETA-guovllus siste.

Diŋgomis ii šatta registtar, go vuogádat sádde diŋgomiid šleađgapoasttain vástoolbmuide.

Dieđuid seailluheapmi

Máhcahagaid oktavuođas addojuvvon persondieđut seailluhuvvojit nu guhká go máhcahaga gieđahallan Meahciráđđehusas gáibida.

Diŋgonskoviin boahtán šleađgapoasttat jávkaduvvojit, go diŋgon lea dikšojuvvon.

Dieđuid suddjen

Julkaisut.metsa.fi-siidduid suddjemis čuovvut buori diehtodorvovuogádaga ja fámus lean lágaid ja njuolggadusaid ja daid dievasmahtán Meahciráđđehusa rávvagiid. Vuogádaga geavaheapmi lea ráddjejuvvon geavahanrivttiiguin dušše dieđuid bárggus dárbbašan olbmuide.

Diehtočoahkuid ávkkástallan

Julkaisut.metsa.fi-fierbmebálvalusas geavahit diehtočoahkuid (“cookies”). Diehtočoahkut leat terminálarusttega bláđána ja servera gaskasaš smávva teakstafiillat. Diehtočoahkuin ja eará dovddalmasain lea meroštallojuvvon fápmosis leahkináigi, man maŋŋá bláđán jávkada dovddalmasa. Ávkkástallat dáid teknihkaid min bálvalusain dušše giellaválljemii.

Neahttabálvalusa geavaheami čuovvun

Julkaisut.metsa.fi-neahttabálvalusa geavaheamis čoggojuvvo diehtu almmá diehtočoahkuid Snoobi Analytics -bálvalusain. Neahttabálvalusa galledeaddjiin eai čoakke persondieđuid, main ovttaskas geavaheaddji sáhtašii dovdát. Dieđut ávkkástallojit neahttabálvalusa ovddideamis. Čoggojuvvon dieđut seailluhuvvojit Snoobi Analytics -bargoneavvus. Snoobi hálddaša dáid dieđuid diehtosuodjegeavadaga mielde. Lassedieđut leat Snoobi Analyticsin neahttasiiddus (snoobi.com, suomagillii).

Registrerejuvvon olbmo vuoigatvuođat

Registrerejuvvon olbmos lea vuoigatvuohta bivdit registardoallis iežas guoskevaš dieđuid sihke vuoigatvuohta bivdit eahpedárkilis ja feaillalaš dieđuid vuigema ja daid gieđahallama ráddjema dassážii go dieđuid doallevašvuohta lea sihkkarastojuvvon. Registrerejuvvon olbmos lea maiddái vuoigatvuohta dahkat váidaga bearráigeahččovirgeoapmahažžii persondieđuid gieđahallandoaimmain.

Registardoalli oktavuođadieđut

Diehtosuodječilgehusa ja registrerejuvvon olbmo vuoigatvuođaid guoskevaš gažaldagain vástida vuosttažettiin vuogádaga registtarvástoolmmoš Sirpa Routasuo (sirpa.routasuo@metsa.fi). Ja diehtosuodjevástideaddji Janne Kiiskinen (janne.kiiskinen@metsa.fi). Diehtosuodjeáššiin bivdit váldit oktavuođa vuosttažettiin girjjálaččat njuolga registardoallái: Metsähallitus/Kirjaamo, PL 80, 00521 Helsinki dahje molssaeavttolaččat čujuhussii: tietosuoja@metsa.fi.