Meccikuávlulaahâ kenigit Meccihaldâttâs rähtiđ asâttum meccikuávloid tipšom- já kevttimvuávám, mon pirâsministeriö nannee. Vuávám ráhtoo 10 – 20 ihán häävild já tast miäruštâllojeh tooimah vuáđudemmittomeerij olášuttem várás. Vääččir oovdeb tipšom- já kevttimvuávám nannejui ive 2007.
Tipšom- já kevttimvuávám peividem tuálá sistees tááláá tile valdâlem, mast tobdeh kuávlu suojâlem- já kulttuuráárvuid. Tááláá tile valdâlem vuáđuld lii arvâlum, ete kuávlun čyeccih kuávdáš aštuuh, já iävtuttum tooimah toi tuástumân. Mittomeerij asâttâlmist oovdânpuáhtoo, maht tooimâi olášuttem čuávuh já toi vaiguttâsâid já vaigutteijeevuođâ árvuštellih. Olášutmân láá čuággám Meccihaldâttâs ovdâsvástádâs vuálásijd tooimâid já toi reesuurstáárbuid.
Ohtâ peividemnáál vuávám kuávdáš nubástusâin lii čujottiđ meccikuávlu masa oles tuárispelistielâsin, kuus iä aktivlávt uápist kuállejeijeid iäge räähti uđđâ palvâlusriäidudem. Suullân 12 hehtaarid meccikuávlust lii räjistielâsist. Taat kuávlu čujottuvvoo raijimstielâsin, kost láá vyeimist räjikocceemlaavâ miäldásiih njuolgâdusah. Vuávámist stivrejeh ovdebáá tärkkilubbooht kevttimvuoigâdvuođâi luovâttem toorjâsoojij várás om. čuujootmáin Vääččir pajosáid kuávlu, kuus iä mieđeet uđđâ toorjâsoojijd. Vuávámist meiddei linjejeh tiätu kevttimvuovij (ei. penuvráiđutoimâ, meccijotolâh) lopeárvuštâllâm.
Lisätietoja:Oles Vääččir tipšom- já kevttimvuávám kártáidiskuin já ciälkkámušoohtânkiäsuinis lii almostittum suomâkielân (Sarja A 179).
Lue lisää:Vätsärin erämaa-alueen hoito- ja käyttösuunnitelma
Váhčira meahcceguovllu dikšun- ja geavahanplána čoahkkáigeassu
Väʹččer poostaijânnam håidd- da ââʹnnemplaan - õʹhtteǩeässmõš
