Riđđu ja Saana meahcis – Vánddardanetikeahtta-máidnasat

”Bálggis lea duođaid fiinna. Dat mohkahalai guossavuovddis, gavccui lássái, njiejai niitolágan leahkái, buovččadalai gáiskiid siste ja ollii viimmát láddo gáddái.”

Riđđu, Saana, Onni-áddjá ja Beana Beahcevárri liikojit luonddutuvrrain. Sii leat luonddus Beana Beahcevári riegádanbeivviin, idjadit meahcis, oidnet fiinna liđiid ja deivet ulddaid ja čáhceloddebeassádaga.

Vánddardanetikeahttamáidnasiid jurddan lea movttiidahttit mánáid lundui ja seammás muitalit, mo lihkadit luonddu ja eará vánddardeaddjiid gudnejahttimiin.